Під облачком (лемківська народна)

Назва: Під облачком (лемківська народна)

Музика: народна

Вірші: народні

Під облачком явір похилений,

Сидить на нім пташок примилений.

Слухай, мила, як той пташок співа,

Бжез любові ніч добра не бива.

Ци ти, любо, є од Бога дана,

Ци ти, може, дяблом підшептана?

Хоч би знехтів - то мусиш любити,

Хоч би знехтів - прото маш терпіти.

Мила моя, ти покусо єдна,

Любив я тя не рік і не два.

Ти ми дала зілля си напити?

Не мож, мила, ніяк без тя жити.

Ми ворожка давно ворожила,

Же мя звурит дівка чорнобрива,

Же не буду видів за ньоу світа,

Аж проминуть мої младе літа.

Під облачком явір зеленіє,

Чуєш, мила, як той вітер віє.

Може вирве єго з корінями,

Мила моя, што-то буде з нами?